Foreldrafélag Suðurborgar var stofnar árið 1991 og er foreldrum frjálst að velja hvort þeir ganga í það eða ekki. Í stjórn foreldrafélagsins eiga að vera 7 fullrúar foreldra og tveir tengiliðir leikskólans. Aðalfundur foreldrafélagsins er haldinn einu sinni á ári þar sem lagðir eru fram ársreikningar og fram fer kosning á nýjum meðlimum í stjórn. Markmið foreldrafélagsins er að foreldrar og starfsfólk stefni að því sameiginlega markmiði að velferð barnanna sé höfð í öndvegi. Hér er átt við að allir hafi vakandi auga með því að öll starfsemi leikskólans miðist við að barnið njóti sín sem einstaklingur og að umhverfið gefi barninu tækifæri til að læra gegnum leik. Einnig er félagið þrýstihópur gagnvart borginni ef þörf er á úrbótum á t.d. húsnæði eða leikskólalóð. Foreldrafélagið, í samstarfi við leikskólann, stendur fyrir mörgum skemmtilegum uppákomum svo sem opnu húsi á vorin, sumarhátíð, sveitaferð, jólaballi, leiksýningu og fleiru.

Foreldrafélag Suðurborgar 2019-2020

Formaður

Elín Sigrún Espiritu (barn á Dvergakoti)

Gjaldkeri

Ewelina Kacprzycka (barn á Hólakot)

Meðstjórnendur

Gunnar Þór Pálsson (barn á Brekkukoti)

Hlöðver Bernharður Jökulsson (barn á Lækjarkoti)

Tengiliður leikskólans við foreldrafélagið og situr alla fundi er Regína Laufdal Aðalsteinsdóttir, deildarstjóri á Lækjarkoti. Einnig situr Hanna Rún Ingólfsdóttir, deildarstjóri á Dvergakoti fundi foreldrafélagsins.