Loksins loksins er heimasíða Suðurborgar komin í loftið. Við erum búin að setja inn allar þær upplýsingar sem tengjast leikskólanum og því starfi sem þar fer fram. Við vonum að heimasíðan nýtist ykkur vel. Fréttir  verða settar inn reglulega auk þess sem hver deild kemur með upplýsingar og fréttir sem tengjast viðkomandi deild.

Nú er starfið farið af stað á fullum krafti og byrja hópastundir og smiðja í þessari viku. Regína mun halda áfram að sjá um smiðjuna og tekur fyrir tónlist og hreyfingu.

Nokkrir starfsmenn eru að kveðja okkur og nýir koma í staðinn. Núna í haust hætta hjá okkur Hólmfríður af Brekkukoti, Fjóla sem er með skilastöðu og Lilianna sem var í afleysingum. Nýtt starfsfólk er Hólmfríður sem fer á Krílakot, Sara sem verður í afleysingum  og Inga sem er þroskaþjálfi og sér um sérkennslu. Enn hefur ekki verið ráðið í skilastöðu. Undir hverri deild er hægt að sjá starfsmenn hverrar deildar.

Aðalfundur foreldrafélagsins verður á næstum vikum(auglýst síðar) og enn vantar foreldra í félagið. Þeir sem vilja taka þátt í starfi með öðrum foreldra eru vinsamlega beðnir um að hafa samband við viðkomandi deildarstjóra. Foreldrafélagið vinnu í þágu barnanna í samstarfi við leikskólann.