Sumarhátið

Ritað 01.06.2008.

 

Á morgun þriðjudaginn 3. júní verður hin árlega sumarhátíð leikskólanna þriggja Suðurborg, Hólaborg og Hraunborg. Hún hefst með skrúðgöngu frá Bókasafninu í Gerðubergi og endar í garðinum á Hólaborg þar sem brúðubíllinn tekur á móti okkur. Eftir sýninguna fara börn, starfsfólk og foreldrar í sinn leikskóla þar sem veitingar verða í boði.

 

Við hvetjum foreldra til að taka þátt í sumarhátíðinni með okkur.

 

                                                Sumarkveðja

starfsfólk Suðurborgar

 

Útskriftarferð í Ölver

Ritað 16.05.2008.

Nú stendur yfir útskriftarferð elstu barnanna í leikskólanum. Lagt var að stað kl. 9.30 í gær og farið á áfangastað.

 

 

 

Börnin léku sér úti í blíðskaparveðri og áttu góðan dag. Um kvöldið var slegið upp náttfatapartíi þar sem allir skemmtu sér vel. Allir voru sofnaðir kl. 22.00 eftir frábæran dag.

 

Börnin vöknuðu glöð og ánægð í morgun og um kl. 14.00 fara þau á Byggðarsafnið á Görðum, Akranesi.

 

Börnin verða komin um kl.16.00 við leikskólann Suðurborg.

 

Sveitarferð

Ritað 08.05.2008.

Minnum á sveitaferðina á morgun föstudag 9. maí. Við leggjum af stað stundvíslega kl.10:15 og væntanlegur komutími er upp úr kl. 14:30. Það fer eftir veðri.

Við ætlum að grilla saman og eiga góðan dag saman í sveitinni.

Sjáumst í fyrramálið með góða skapið og klædd eftir veðri.

Kveðja starfsfólk Suðurborgar